Status Uploading...

dheere dheere aankhen malte, laptop subah on kiya
gmail, gtalk, fb, twitter, sab par status upload kiya
chai mein namak, newspaper ki khabar,
kissi cheez par na gaur kiya,
breakfast skip, lunch skip,
skip na hone online gossip diya
yeh meri life, kya teri life,
dil khol likha, dil tod padha,
kabhi iski shaadi, kabhi uski barbadi,
har occassion par comment kiya,
aaj mood theek, toh kal kharaab,
share pal pal minute ka diya,
I like it, +1 it,
mein sab kaam late kiya,
time par office nahin pahunche,
par ville ki farming nahin bhule,
cake making, car guessing, mafia wars,
har game mein participate kiya,
duniya bhar ki sachai, naya koi jhooth,
sab padha aur sab witness kiya,
office ke 9 ghanton mein,
100 times wall refresh kiya,
ab aankhen dukhen bhi toh kya,
ab hum likhen bhi toh kya,
yahi sochte sochte,
band palkon se update kiya,
raat ka meter down hone se pehle,
humne status ko up to date kiya...