Atak Padi

dheere dheere dhaka laga ke,
kabhi peeche kabhi side se jake,
apna poora dum laga ke,
humne sarkayi zindagi,
ek gear se duje gear mein,
thoda fisal ke,
thoda sambhal ke,
raftaar mein laayi zindagi,

par jab khuda ho har jagah,
kabhi yahan toh kabhi wahan,
iss gadde se uss gadde mein,
jhatak padi zindagi,
dekhi andekhi mein hi
atak padi yeh zindagi :p

bhatak bhatak ke phir raasta,
satak gaya mera jahan,
latak gaya yun dil ka mukhota,
hazzar tukde hue armaan,
kuch der break laga kar,
socha aakhir yeh hua kya,

aisi bhi kya ataki life,
jo seedhi na kar paayein,
kahan gaya woh josh,
woh junoon,
jo haasil na kar jaayein,
muthi mein bhar ke ek baar,
dum se gatki zindagi,
aankhon mein aankhein daal,
aandhi toofan se haath milane,
lo chali lo chali phir se,
matak matak yeh zindagi !!

Dard

har chehra durr se pehchana nahin jaata,
paas aane par hi dhundhlahat chantati hai,
kuch aur soche baithe the jo tere baare mein,
ab teri kahani kyun apni si lagti hai,
aankhen ka dhokha tha jo tum khush se lage,
dil pe dastak di toh tere gham ka pata chala,
teri khushi ko naapa karte the apne dard se,
tere dard ki gehrai ka raaz aaj khula,
har dukh chota lagne lage hain ab,
zindagi ki sachai samajhne lage hain ab,
dard ki dava shayad na dhoondh paayein,
par tera chehra pad lete hain ab

Am Gonna Fight !!

my eyes are tired,
my ears are hurting,
my jaw is lokced,
my throat is burning,

I am losing my senses,
figuring out my tenses,
and I am writing some junk,
can I give sleep a bunk,
I am trying to live through night,
I have to win this fight,
there is nothing to get in last,
I am just making myself outcast,
there is much more to this,
I dont know what it is,
unknowingly I see it,
surprisingly I feel it,

with light in the eyes,
with music in my ears,
with song in the heart,
I am gonna kick start.

Zindagi

kabhi hasaaye kabhi rulaaye,
kabhi jaage kabhi sulaaye,
daud daud kar haanf haanf kar,
kabhi neeche kabhi upar le jaaye,
choti choti baaton mein sachi lage zindagi,
thodi si hi sahi, par achi lage zindagi

aaj iss rah chale, kal nayi manzil bulaaye,
kuch rishte saath chale, kuch chute bin bataayae,
kabhi tanha kate, kabhi bheed mein kho jaaye,
haath baandhe kahin, toh kahin pankh failaaye,
hazaaron umeedon par kachi-pakki yeh zindagi,
sek sek kar hai guzari, kyun na achi lage zindagi

har din ek naya rang, ek naya dhang dikhaaye,
sapnon ki gaadi, kabhi roke toh kabhi bhagaaye,
kabhi nazdikyaan toh kabhi dooriyaan badhaye,
jahan dum nikle wahan nayi subah le aaye,
kabhi hunar toh kabhi nadaani lage zindagi,
anjaani hi sahi, aakhir ruhani lage zindagi

Main Hoker Bhi...

main hoker bhi hun nahin,
jism kaid hai, par ruh nahin,
band diwaron ke peeche jhankti aankhen hain,
sapno ko pakadati nazar nahin,
kampkampati aah tutt kar reh jaaye yahan,
dil se dil ki awaaz ruk paaye nahin,
khayalon ko dabba rakh sakte hain,
iss aazaad dil ki parwaaz nahin
main hoker bhi hun nahin,
jism kaid hai par ruh nahin

woh khush hain jo dekhe hain,
zanzeeron mein jhakde hue mujhe,
nadaan hain jo samajh baithe hain,
kya yunhi rok payenge mujhe,
haath bandhe bhi toh kya,
hothon se aazaan rok sakte nahin,
begaar hoker sar jhuka rakha hai zaroor,
iss aazzad dil ki udaan thaam sakte nahin,

zindagi rok sakte hain, saansein tod sakte hain,
tujh tak jo pahunche, raaste mod sakte hain,
jeene ki talab phir bhi zinda hai,
armaano ki lo yun dafnaa sakte nahin,
hosh laddkhadda sakte hain lekin,
be-baak dil ki raftaar nahin,
main hoker bhi hun nahin,
jism kaid hai par ruh nahin

Hosh Ud Gaye

tere pyaar mein doobe khudi ko bhul gaye,
kya chadi hai khumari ke mere hosh ud gaye;
ab bas tanha rehne ko jee karta hai,
tere khalayon mein hi dil mera lagta hai;
tujhe dekhte hi duniya haseen ho jaati hai,
jhoom uthta hai mann, tabiyat rangeen ho jaati hai; :p
chod saare bandhan, hum tere raaste jud gaye,
kya chadi hai khumari ke...mere hosh hi ud gaye

Ud Chalein

kab tak khud ko yun baandh kar rakhenge,
kab tak yeh parr na khulenge;
khula aasmaan tayaar hai baahein failaaye,
kyun na khawabon ke peeche aaj ud jaayein;
raasta khudgaraz sahi manzil beimaan hi sahi,
beparwah hawa ki tarah lahrayein, lad jaayein;
khawaishein toh bahut hain iss dil ki,
uss chahat ke sadke jo tere paas le aaye;
kuch halke kuch behke palon ke saath,
ud chalein wahan, taqdeer jahan le jaaye.