Kalakaari - A Tribute to Andaazz on World Eggs Day :)

Ek se ek kalakaari ka namuna pesh karte hain,
woh udhar uchalte hain, hum idhar uchalte hain,
garam leharon par kabhi neeche toh kabhi upar dulte hain,
hum udhar uchalte hain, woh idhar uchalte hain,
kabhi lohe ki deewaron se, toh kabhi khud se hi uljhate hain,
woh udhar uchalte hain, hum idhar uchalte hain,
rol-pol kar, doob-tair kar, naram se sakhat bante hain,
ande aise hi ubalte hain, hum ande aise hi ubalte hain …