Kab ??

dil se dil ki raah mil paayegi kab,
khuli aankhon mein neend aayegi kab
timtamate taaron ki chaadar mein chupi,
iss roshni ko subah mil paayegi kab
teri yaadon ko ddhak ke rakhe hain,
koi inhe humse churaaye na ab
takiye ke neeche dabbi tasveer bhi,
iss aah se aazaadi paaye ab

Keep Coming Back

Sitting at the window, I am thinking about us,
It’s been days, when I’ve seen you at first,
O baby, you are the one I love,
Away from you, is it so must?
Whenever far or farther you go,
My heart beats faster than before,
There’s me, my life is now lack,
And your memories keep coming back,
They just keep coming back…

I am trying to think something else,
Not able to clear this dumb mind’s mess,
Morphing your picture in every face I see,
Get your trace in anything I touch and feel,
There’s nothing I forget, nothing where I slack,
As your memories keep coming back
Just keep coming back…

You And I

I live, I die,
I laugh and I cry,
I love the rain someday,
and someday when it’s dry,

I remember something,
and I forget some,
Sometimes I talk clever,
and sometimes dumb,

Everything I do,
it gets meaning with you,
No matter from where I start,
I stop at you,

I want to change,
many things in you,
I want you to,
remain like this forever too,

I am somebody,
when I am with you,
I am a lifeless soul,
without you,

You inspire my,
every move,
You hold me,
whenever I droop,

Everything I do,
it gets meaning with you,
No matter from where I start,
I stop at you,

Baby, you are,
the beginning for everything,
With you,
it's surely a magical living !

Tangi Hai

Har taraf motor chalti hai, apne chalne ki jagah nahin,
Baarish toh bahut girti hai, par peene ko kuch raha nahin,
Line hi line hai har jagah lagi, ticket toh kabhi mila nahin,
Paper mein hum pass ho liye, par naukri ka kuch pata nahin,
Phir bhi chehre par smile chipka ke, kehte tabiyat changi hai,
Tangi hai bhai tangi hai, dil dariya apna aur haalat nangi hai

Kahin nakhre hazaar kar khane mein bhi karte kanjoosi hain,
Chalte phirte sapne kharidte, neeyat apni nahin bharti hai,
Kahin do waqt ka jugaad kar, nahin hoti zaroorat poori hai,
Khali jeb mein haath daale, hasti zindagi adhoori hai,
Kabhi dil ka hisaab toh kabhi khawaish apni mehangi hai,
Tangi hai bhai tangi hai, dil dariya apna aur haalat nangi hai

Majhab-Dharm ke naam par, bewajah lad jaane ki,
Kiski ho zameen aur kiska aasmaa, lakeer khinche batware ki,
Ladka-ladki mein farak karte, soch hai puraane zamane ki,
Jaat-paat, bhed-bhav ke maslon se, aazaad desh ko dubane ki,
Dimaag toh diya khuda ne, par jab soch hi apni bhangi hain,
Tangi hai bhai tangi hai, dil dariya apna aur haalat nangi hai

Kalakaari - A Tribute to Andaazz on World Eggs Day :)

Ek se ek kalakaari ka namuna pesh karte hain,
woh udhar uchalte hain, hum idhar uchalte hain,
garam leharon par kabhi neeche toh kabhi upar dulte hain,
hum udhar uchalte hain, woh idhar uchalte hain,
kabhi lohe ki deewaron se, toh kabhi khud se hi uljhate hain,
woh udhar uchalte hain, hum idhar uchalte hain,
rol-pol kar, doob-tair kar, naram se sakhat bante hain,
ande aise hi ubalte hain, hum ande aise hi ubalte hain …

Khoj

Ek nayi nadi, ek naya kinara dhoondhna hai,
Zindagi jeene ka sahara dhoondhna hai,
Aaj iss dagar toh kal nayi raah par chalna hai,
Iss bheed mein apne hone ka bahana dhoondhna hai,
Choti –badi har unchayi ko choo jaana hai,
Kabhi rukha toh kabhi mausam suhana dhoondhna hai,
Tedhe-medhe inn raaston par apne nishaan banaker,
Yunhi chalte manzil ka thikana dhoondhna hai,
Har gali- kuche, har makaan, har galiyaare se,
Teri-meri dosti ka guzra zamaana dhoondhna hai,
Kuch der saath chalna, kuch der yun haath pakde thamna,
Bhule bisre ishq ka fasaana dhoondhna hai,
Shor, nafrat, matlab se bhari iss duniya mein,
Sukoon ke do palon ka tarana dhoondhna hai,
Jahan zindagi se maut asaan lagne lage,
Uss jalti bujhti lo ka parwana dhoondhna hai
Jo rishte tutt gaye, jo haath choot gaye,
Woh beeti yaadon ka aashiyana dhoondhna hai …

Ishq Ki Leher

Ghame ishq ki lehar iss kadar pheli hai zamaane mein,
Ke har koi dil liye aansoon bahata nazar aata hai,
Kissi ko jannat mili, kissi ko manzil ka nishaan,
Toh koi khaaq se haath malte nazar aata hai
Koi shikaar dhoondhe, toh kabhi shikaar khud bane,
Yeh tabahi ka manzar bada dardnaak sa ho jaata hai,
Kissi ki ibaadat toh kissi ka junoon,
Har dua mein uska deedaar nazar aata hai
Taqdeer se pehle aur takreer ke baad,
Na iske aaghaaz ka pata, na koi anjaam nazar aata hai ...